SABORES QUE EXPORTAMOS
Por Marola Seijo
Saborear Galicia xa é posible no medio mundo. O é a través de produtos alimenticios con denominación de orixe que se exportan desde aquí e que levan o selo Galicia Calidade.
Son os embaixadores de luxo do sector alimentario galego e facturan nada menos que 500 millóns de euros ao ano. Conséguense en convencionais supermercados e mesmo por Internet.
O mexillón é o rei e ten orixe protexida pola comunidade europea. Pero hai outras delicateses que sorprenden pola súa aceptación exterior:
A navalla e o longueirón envasados pola Cooperativa de mergulladores de Fisterra, cunha trazabilidad que merece a etiqueta de Galicia Calidade.
450 produtores de mel, adscritos ao seu Consello Regulador, conseguiron o IGP para a súa denominación de orixe. Só 250 mil quilos de mel saen ao mercado con esta etiqueta.
O polbo ten etiqueta que garante a súa orixe galega, grazas á Confraría de Bueu, pioneira na súa comercialización exterior.
“Pesca de Rías” é marca de calidade que garante a orixe galega do peixe que se envía aos mercados estatais e mesmo internacionais.
E os queixos galegos San Simón e Arzúa-Ulloa, os mais vendidos fóra de Galicia, que conquistaron a pasada edición de Gourmet Queixos, celebrada en Madrid.
A todo isto hai que engadir o marisco das Rías que nunha ampla frota de camións e algún avión de carga, sae todos os días das nosas lonxas con destino a Madrid e a Barcelona, principalmente.
O sabor de Galicia está xa ao alcance de todos a través destes produtos, que son só algúns exemplos dos moitos “embaixadores” que ten, principalmente, o noso mar.